بۆ با بیمێ توته‌

بۆ با بیمێ توته‌

هۆنیێ/ قوبادی جەلیزادە

هورگێڵنای په‌ی هۆرامی/ نامق هه‌ورامی

گه‌ر من و تۆ توتێ بێنمێ

ده‌گێوه‌نه‌

باخو گیاندارانه‌،

دلێ گه‌له‌و مه‌یانه‌،

پێوه‌ره‌ ژیوێنمێ،

به‌ره‌ڵێچ بێنمێ

یانه‌ما به‌رێنمێ نزیکو قه‌سابخانێوی

پێوه‌ره‌ شۆنۆ پێشێویه‌ره‌

وێڵێبێنمێ...

که‌زارۆڵێ ته‌وه‌نیما ماڵێنێ پۆره‌

قروسکنێنمێ

زمسان پێوه‌ره‌ ته‌ڕما که‌رێ،

چۆتوچیله‌ ئۆ هامنی گێرێنمێ،

زوانش ونه‌ به‌رارێنمێ

گه‌ر حه‌زما که‌ردێ گه‌فێنمێ..

قاچێوم به‌رز که‌رێنێ،

گمێزکه‌رێنێ

به‌ کۆڵه‌کۆ کاره‌بای و‌،

دلێ قه‌دو دره‌ختێویه‌ره‌...

ئه‌ژناسنامه‌و ره‌گه‌زنامه‌

چنی وێما نه‌به‌رێنمێ

به‌بێ گوزه‌رنامه‌، مه‌رزه‌ ده‌سکرده‌کانه‌ پڕێنمێ.

ئه‌گه‌ر من گه‌ماڵ و تۆ ده‌ڵێوه‌ بێنی

په‌ی ماره‌ بڕیه‌ی

کۆلکه‌ مه‌ڵڵاما گه‌ره‌ک نه‌بێ

که‌لارێوه‌نه‌ پڕێنمێ

تۆ،

کولینێوه‌ تاریکه‌نه‌ تره‌کێنی و

بێنمێ ئه‌داو تاته‌و توته‌کۆڵه‌

قاوه‌یی

بۆر

چه‌رمه

سیاوا،

دلێ گیواوینه‌ ره‌مێنمێ..

گه‌ر توتێ بێنمێ

نه‌کوتاڵ وره‌شی ئه‌ژناسێنمێ

نه‌ جلوراز

رووت رووت پێسه‌ ئاوێ،

که‌س پنه‌ت نه‌واچێ دامه‌نه‌که‌ت چی ئاننه‌ کوڵا

که‌س به‌من نه‌واچێ: ده‌ک زه‌هرت بۆ ئی قاپه‌ ئاره‌قه‌

که‌س چه‌مداری موبایله‌کێما نه‌که‌رێ

سه‌د کوڵ گیرێ نه‌بێنێ شۆنیماوه‌،

که‌س هاکما نه‌که‌رێ

یه‌رێ مانگێ چه‌مه‌ڕایی هه‌قو یانه‌ نشینی نه‌که‌رێنمێ،

نه‌له‌رزێنمێ،

زه‌ڕو ئاوێ و کاره‌بای قه‌رزارێ نه‌بێنمێ،

نیمۆ موچه‌کێما نه‌دێنمێ حب و ده‌رمان،

کافترێوه‌نه‌، ته‌رسی دۆرما نه‌گێرێ..

گه‌ر من و تۆ توتێ بێنمێ

من نه‌لێنێ لاو عه‌ینه‌ک سازی

تۆیچ ویر چانه‌یه‌ نه‌که‌رێنیۆ لوته‌ت کوڵه‌ که‌ریۆ..

که‌س پنه‌ما نه‌واچێ چی قوڵفو ته‌وه‌نه‌ سیاوێ ماچ مه‌که‌ردێ

چی ته‌وه‌نێوه‌ مه‌گێردێنه‌ شه‌یتانی

گه‌ر توتێ بێنمێ

زه‌مینێ نه‌بڕێنمێره‌ په‌ی زیاره‌ته‌ڵانی

نامێ یه‌ریۆ وێما نه‌دێنمێ به‌ کێل نویسی

کرێچیێ نه‌بێنمێ

میمانی ناوه‌خت مه‌ژگما نه‌به‌رێ به‌ دروه‌کاش.

گه‌ر توتێ بێنمێ

نه‌تۆ رێکوزیا ژه‌نانه‌ کار که‌رێنی و

نه‌من بێنێ چه‌کدارو حیزبی

نه‌ ئاننه‌ سفه‌رو سه‌نگه‌ر فاڕێنمێوه‌

بۆ با بیمێ به‌ توته‌

بیا تا سگ شویم

تعالی لنستحیل کلبا

come so as tobe dogs