تێكستی : فەرهاد حەیدەری گۆران
و.لە فارسیەوە: نامق هەورامی
ئێستە ئیتر كاتی ئەوەیە
حەوت جار بەدەوری گومبەزەكەدا بچەرخێم
دەسوڕێمەوەو من هەر لێرەدام، لە ( هانی تا) ی بێدەنگ
ئەوانیش ئێستا لێرەن، كەلام دەخوێنن و تەمیرە لێدەدەن
ئەو كە هەنوكە نییە،
لەبەندەكانی كۆتایی دەفتەری پەردیوەردا سوڕایەوەو پەنهان بوو
رۆشت كە بڕوات، پێدەچێت ئێستاش هەر بڕوا
كاتێك بینیم دەیویست نغرۆی حاڵی خۆی بێت
گوتم.... ونازانم لەكوێدا دووبارە گوتم.
وەلێ جارێكی دی رێكنەكەوتەوە
( دواتر بۆتان بەیان دەكەم كە ئەو چ پەیوەندیەكی بەم چیرۆكەوە هەس، ئێستا
ئێمە لە (( هانی تا)) ین و ببینن)
گوتی ئەمانە دەیانەوێت چی بكەن؟
گوتم :دەیانەویت كەلام بخوێنن.
گوتی : منیش دەمەوێت بخوێنم،
چویە نێو جەم و دەستی كردە كەلام خوێندن
چل چلانە چل چل چلانە چل
پەراوێزی یەكەمی سەرمەستی: كاتی نەبوو، راستیەكەی ئەوەیە بیرم كردەوە ئێستا
لەسەرەوەی گومبەزەكە دەڕوانێت، دەڵێت: دەفتەری پەردیوەرت وەخوێندوە؟ گوتم.نا
ئەمكارە چیە؟ چ كارێكە؟
دنیا تاریك بوو
گەڵای قاوەیی داربەڕووەكان لەكۆتاییەوە بۆ سەرەتا هاتنەوەو
نوسیم، جارێكی دیكەش نوسیم
و لەسەدەی چوارەمی كۆچیدا دەستم كرد بەگەڕان
لەهەورامان پیادە بووم، بە دۆن هاتم
گەیشتم بە شارەزور و تاهەنوكەش من هەر لەوێم
ئێرە دێڕی چەندەمە؟
بسوڕێ حەوت جار بەدەوری گومبەزەكەدا بگەڕێ و وەرەوە بۆ ئێرەی چیرۆكەكە.
دەزانی لەرۆژی چل و یەكەمدا، چی روی نەدا ((كەلام)) ی خوێند و تەمیرەی لێدا
وسەرمەست بوبون. دواتر بوو كە دیم. ئێستا رەشترە- تكایە رەشتر. ئەمە
گوتی بژەنە و ژەندم، تامەقامی هەفتەمی حەقانی و حەق حەق. تەنبوورەكەی لەدەس
بردمو دەیژەنی، خۆی دەیژەنی، لەدەهانەی دووەم چەمەوە تێپەڕیم، پەنجەرەی (( بی بی شەهرەبانو))
دەركەوت.گوتی سەركەوە بۆ سەرەوە، چوم،
تا هەنوكە لەسەرەوەم و گەرەكمە بەردەوامی بەم چیرۆكە بدەم.
گوتی لەبارەی ئەم دەلاقەیەوە چی ئەزانی؟ هەر خۆی تەواوی چیرۆكەكانی وەدەگێڕا.
رەمزو رازی حەق وەبازی وستەن؟
پەراوێزی یەكەم هەمیشە جۆرێك بوو پەیوەندی بە پەراوێزەكانی ترو تەنانەت تۆشەوە
هەبوو-دەزانم هێشتا زۆر نەچویتەتە قوڵایی رستەكانت و باشت گوتوە، بۆنموونە ژنێك كە
لێرە نییە و رۆژێك لە ((سیروان)) دا نغرۆ دەبێت.
لەساڵی 1111 دا پیربنیامین گەشتۆتە بەر ئەم دەلاقە، فەرموویەتی:
سڕ فاش مەكەرو سڕ فاش مەكەرو.
پەنجەرەیەك لە دڵی بەردا،
مۆمێمێكم پێكردوو، واتم،
ئەو هەم واتش،
حیكایەت خوانێكی دیكە هات و
ماچا جامەش لەناو سیرواندا شوشت و
لەتەك منا كەوتە ڕێگا و
حەوت جار بەدەوری گومبەزەكەدا خولاینەوە
چل چلانە چل چل چلانە چل
ئەمەمان پێشتر خوێندبوو
پێشتر لە پێشان .
چوین لە جامە مسەكانی نێو ((هانی تا)) مان دەڕوانی
كە واتشا بەیانی جەستەیەك لێرە سەرمەست بوو و تۆش سوڕایتەوە
تا ئێستاش لەنێو ئەم چیرۆكا خول ئەخۆم وئەگەمە سیروان
جامە عەوەز كەرد دونا دونی مە
جارێكی دیكە سۆزە ئەكەم وەك سۆزەی تۆ
وادەی ئێمە ساڵێكی تر: بابا یادگار
گوتی من لەژێر ئەم ئاوەدا تۆ ئەدوێنم، من نەمدەبیست، گوتی ببیستەو تەماشاكە،
لەوسەرمەستی رێگەیە، دەڕۆم تا لە چیرۆكەكانی هەزارەیەكی ترەوە سەردەربێرم،
كە
گەرەكمە ئەمانە بنووسم كە ئابان تەواو بوو لە هەورامان بوین و روماڵ دەرۆشت پیت و تەنبووری بابا یادگار.
لە پێپلیكانە بەردینەكانی گێڕانەوەكانا ئەچومە سەرەوە و ئەهاتمە خوارەوەو
هەروەهالە پێپلیكانەبەردینەكانی گێڕانەوەكانا ئەچومە سەرەوە و ئەهاتمە خوارەوە
- ئەو تەمیرەی ئەژەند؟
چل چلانە چل چل چلانە چل
ئێمە ئەوەمان پێشتر گوتبویەوە. بەر لە ئێستا.چوم و لەو كاسە مسینەی ناو حەوزەكەی
(هانی تا) م دەڕوانی. كە گوتیان سپێدەیەك تەنێك لێرە سەرمەست بوو و تۆ كەوتیە گەڕان،
تا ئێستا هەر دەگەڕێیت بەناو ئەم چیرۆكەداو گەیشتی بە سیروان.
- جامە عەوەز كەرد دونا دونی مە
جارێكی دیكە سۆزە ئەكەم وەك سۆزەی تۆ
وادەی ئێمە ساڵێكی تر: بابا یادگار
گوتی من لەژێر ئەم ئاوەدا تۆ ئەدوێنم، من نەمدەبیست، گوتی ببیستەو تەماشاكە،
لەوسەرمەستی رێگەیە، دەڕۆم تا لە چیرۆكەكانی هەزارەیەكی ترەوە سەردەربێرم،
كە
گەرەكمە ئەمانە بنووسم كە ئابان تەواو بوو لە هەورامان بوین و روماڵ دەرۆشت
پیت و تەنبووری بابا یادگار.
هەروەهالە پێپلیكانەبەردینەكانی گێڕانەوەكانا ئەچومە سەرەوە و ئەهاتمە
خوارەوە
- ئەو تەمیرەی ئەژەند؟
چل چلانە چل چل چلانە چل
پەنجەرەی ((بی بی شەهرەبانوو)) حەوت سەد مەتر لە ئاستی زەوییەوە بەرزە.
ئەو پەیدا بوو تاهەنوكەش بەگێڕانەوەی كۆتایی نەگەشتم
تا ئێستا . ئێستا .ئێستا . كە بێپەروا دەڕۆم و دەسنووسی دەفتەری ((پەردیوەری))
دەخوێنم
- حەوت گەورە سوار بە ((سیروان))گەیشتن كە لەئەزەلەوە هاتوون
گەوهەرێكیان هەیە كە
نا! نابیت. ئەم پەراوێزەی كە نووسیت ، بگەڕێوە ئەسڵی چیرۆكەكەو یەكجاری هەموو
شتەكان بە قسەی خۆت بهۆنەوە، تەنانەت منیش كە ئامرازێكی دوو پیتیم،بەجۆرێكی تر سود
ببە، لەبیرت چوو
ئەو وشانە لەروكەشدا بێمانان لە بەندی حەقەن حەقەن؟
گوتی ئەم شتانە نەنووسی
گوتتتتتتتتتتتتتتتتتتتتتتتتتتتتتتتتتتتتتتتم بۆ
نەینوسسسسسسسسسسسسسسسسسسسسسم؟
گوتی و رۆشت و بەدەوری گومەزەكەدا سوڕایەوەو ئیدی نەمدیەوە، كاتیك بەدوایدا
رۆشتم، واتە لەبەهەشتێكی گچكەدا، لە شەقامی نیگارستانەوە سەرم دەركرد و گەشتمەوە بە
هەمان دەرگا، زەنگی دەرگاكەم لێدا ، دەرگەكە باز بوو، لە پێپلیكانەكانەوە سەركەوتمە
سەرێ، تا ئێستاش دەمەوێت سەركەوم.
كە ئەم چیرۆكە تەواو بوو بگەڕێوە بۆ ((سیروان)) كە من ئینانا چانا ، ئەو
لاپەڕانەی كەپێشتر نوسیومن و خوێندومنەوە ببە بۆخۆت.
كۆتایی.
دەمێ لە ((سیروان))ەوە بەرەوسەر هاتی، گوتی من حیكایەتخوانێكی دیكەم بۆ چیرۆكێك
بڕیار نییە گێڕانەوەی تێدا بێت ، چل و یەك رۆژ تێپەڕیبوو بەسەر گەیشتنی نووسەری ئەم
دێڕانەدا بۆ ئێرەو خوێندنەوەی هەفت دەفتەری ((پەردیوەری)) كەلەسەر پێستی ئاسكە كێوی
نووسرابوونەوە و گوتم
ئەوڵ و ئاخر یار
