چن هه‌ناسه‌ شیعرێ......... نامق هەورامی

واران


وه‌ختێ وه‌شا واران وارۆ
من ده‌سێوم که‌مه‌رو تو و
ئه‌وی ته‌رم
که‌مه‌رو چه‌تریش گیرته‌بۆ

.....................
ده‌مت


هانه‌ ئاویش شیرینه‌نه‌
نه‌ک چون ئاره‌قی جه‌بینت
هه‌راڵه‌ به‌رم عه‌یاره‌نه‌
نه‌ک چون چه‌می کل ره‌نگینت

............................



وه‌شم مسیه‌ی


نامێوه‌نه‌ په‌یم بنویسه‌:
شیته‌ گیان من ته‌وه‌نیچ بوو
تۆمڵه‌و ئه‌شقیت
دڵمه‌نه‌ چه‌که‌ره‌ش که‌رده‌ن

.........................


وه‌رئاوا بیه‌ی


ویره‌گا که‌ وه‌ر ئاوا بۆ
منیچ عه‌مرم وڵگه‌ریز بۆ
کێ تاقه‌ت دارۆ تا سوبحی سه‌حه‌ر
وه‌رو دیای تۆ به‌رگنۆ جه‌نۆ؟

...................


جه‌م


ئه‌گه‌ر دڵت ته‌وه‌نیچ بۆ
من نیاییشش په‌ی که‌رو
جه‌ جه‌مخانه‌و نازیته‌نه‌
تۆبه‌کارنا و جەم سازكەروو

...........................



که‌ی؟


چی به‌ڕه‌زا دلی دڵو ته‌وه‌نینه‌
سه‌ر مارۆ به‌ر
من چی نه‌تاوو سه‌وز بو
دڵو تۆنه‌ شیرینه‌کیم؟

......................


هانه‌


ئه‌ر واچی دڵم ته‌وه‌نا
ماچونه‌ منیچ هانه‌نا
هانه‌ دڵو ته‌وه‌نی شه‌ق مه‌که‌رۆنه‌و
مجیه‌ونه‌ به‌ر

.....................


میترا


من دڵێوم گه‌ره‌کا ، ته‌وه‌نین بۆ
به‌شکو جارێ وێش که‌رۆوه‌
میتراو حه‌زیم
سینه‌و تۆنه‌ جه‌ ئه‌دَێ بۆ